സച്ചിൻ പൈലറ്റ് കോണ്ഗ്രസ് പാർട്ടി വിട്ടു പുതിയ പാര്ട്ടി രൂപികരിക്കാൻ ശ്രമിക്കുന്നതായി റിപ്പോർട്ട്. രാജേഷ് പൈലറ്റിന്റെ ചരമവാർഷികമായ ജൂണ് 11ന് പുതിയ പാർട്ടി പ്രഖ്യാപിച്ചേക്കും. രാജസ്ഥാൻ മുഖ്യമന്ത്രി അശോക് ഗെലോട്ടുമായുള്ള അധികാര തർക്കത്തില് സമവായമാകാത്തതാണ് കടുത്ത നിലപാട് സ്വീകരിക്കാന് കാരണം. രാജസ്ഥാനില് ഡിസംബറിലാണ് നിയമസഭ തെരഞ്ഞെടുപ്പ് നടക്കുന്നത്.
സച്ചിൻ പൈലറ്റ് ഉന്നയിച്ച വിഷയങ്ങൾക്കു പരിഹാരമുണ്ടാകുമെന്ന് രാഹുൽ ഗാന്ധി ഉറപ്പ് നൽകിയതിന്റെ അടിസ്ഥാനത്തിൽ പൈലറ്റ്-ഗെലോട്ട് തർക്കങ്ങൾക്ക്ഒരാഴ്ച്ച മുമ്പ് പരിസമാപ്തി കുറിച്ചിരുന്നു. ഭിന്നതകൾ മറന്ന് മുഖ്യമന്ത്രി അശോക് ഗലോട്ടും, സച്ചിൻ പൈലറ്റും ഒന്നിച്ചു വരുന്ന നിയമസഭ തെരഞ്ഞെടുപ്പ് ഒറ്റക്കെട്ടായി നേരിടുമെന്നും അറിയിച്ചിരുന്നു.