[slick_weather]
31
August 2018

കശ്മീരിലെ അനന്ത്‌നാഗ് ജില്ലയില്‍ രണ്ട് തീവ്രവാദികളെ സൈന്യം വധിച്ചു;ഏറ്റുമുട്ടൽ തുടരുന്നു

ശ്രീനഗര്‍: കശ്മീരിലെ അനന്ത്‌നാഗ് ജില്ലയില്‍ രണ്ട് തീവ്രവാദികളെ സൈന്യം വധിച്ചു. കൊല്ലപ്പെട്ടത് ഹിസ്ബുള്‍ മുജാഹിദ്ദീന്‍ ഭീകരരാണെന്നാണ് സൂചന. മേഖലയിലെ ഒരു വീട്ടില്‍ ഭീകരര്‍ ഒളിച്ചിരിക്കുന്നുണ്ടെന്ന രഹസ്യവിവരത്തെ തുടര്‍ന്നാണ് സൈന്യം ഇവിടെ തിരച്ചില്‍ നടത്തിയത്. ഇതിനിടെ ഭീകരര്‍ സൈന്യത്തിന് നേരെ വെടിയുതിര്‍ക്കുകയായിരുന്നു.

വിവരത്തിന്റെ അടിസ്ഥാനത്തില്‍ മുനിവാര്‍ഡി ഗ്രാമത്തിലെ ജനങ്ങളെ ഒഴിപ്പിച്ചു. ജില്ലയിലെ ഇന്റര്‍നെറ്റ് സേവനങ്ങളും താത്കാലികമായി റദ്ദാക്കി. പ്രദേശത്ത് ഇപ്പോഴും ഏറ്റുമുട്ടല്‍ തുടരുകയാണ്.